Ҫӗмӗрле район администрацийӗн пуҫлӑхӗнче ӗҫленӗ Лев Рафинов тӗлӗшпе пуҫарнӑ пуҫиле ӗҫ суд чарса лартнӑ. Анчах вырӑнти прокуратура кун пек йышӑнупа килӗшесшӗн мар иккен.
Лев Рафинов ӗҫ вырӑнӗпе усӑ курнине сакӑр тӗслӗх тупса палӑртнӑ. Тӗпчевҫӗсем шухӑшланӑ тӑрӑх, 2018 ҫулхи раштав уйӑхнчен пуҫласа 2019 ҫулхи раштав уйӑхӗччен вӑл тӑлӑх ачасене валли Ҫӗмӗрлере 7 хваттер сутас пирки килӗшӗве алӑ пуснӑ. Анчах хваттерсем пушар хӑрушсӑрлӑхӗ, санитари норми тата ытти енчен саккун ыйтнине тивӗҫерсе тӑман. Тӑкак виҫи 9,5 миллион тенкӗпе анлашнӑ. Рафинов ҫавна тӗпчев пынӑ вӑхӑтах саплаштарнӑ. Ун пурлӑхне те арестленӗ.
Районти суд пуҫлӑх пулнӑ ҫыннӑн ӗҫне тимсӗрлӗх статья ҫине куҫарнӑ, пуҫиле ӗҫшӗн явап тытарма вӑхӑт иртсе кайнӑ тесе ӗҫе хупса хунӑ. Вырӑнти прокуратура кун пек йышӑнупа килӗшесшӗн мар, вӑл приговор тӗлӗшпе ҫӑхав ҫырасшӑн.
Шупашкар хулин пуҫлӑхӗ пулма урӑх ҫынна шанас пирик сӑмах тухнӑ. Кун пирки «Правда ПФО» тӗнче тетелӗнчи хаҫатра пӗлтернӗ.
Шупашкар хулинчи депутатсен черетсӗр ларӑвӗ ытларикун, ака уйӑхӗн 9-мӗшӗнче, иртӗ. Унта Денис Спирин хӑйӗн кӑмӑлӗпе ӗҫрен хӑтарма ыйтса ҫырнине пӑхса тухма пултарӗҫ. Ҫавӑнтах пушаннӑ вырӑн валли конкурс ирттерессине пӗлтерӗҫ.
Ҫав вӑхӑтрах паянхи кун тӗлне илсен, кун йӗркинче пӗр ыйту кӑна пӑхса хӑварнӑ иккен. Унта Владимир Доброхотов депутатӑн полномичийӗ вӗҫленичченех ӑна дептутаран кӑларас ыйтӑва пӑхса тухӗҫ.
Маларах асӑннӑ ҫӑлкуҫра пӗлтернӗ тӑрӑх, «Дорэкс» акционер обществин пуҫлӑхӗ депутат пуканӗнчен хӑтарма ахальтан мар ыйтнӑ. Малтанласа вӑл Шупашкар хулин пуҫлӑхӗн ҫумӗ пулӗ, депутат вара ҫавӑн пек вырӑнта ӗҫлеймӗ. Спирина отставкӑна ярсан хула пуҫлӑхӗн тивӗҫне пурнӑҫлама тытӑнма пултарӗ.
2022 ҫулхи кӗркунне 65 ҫулти Валерий еспубликӑри социаллӑ адаптаци центрне лекнӗ. Унта вӑл тӗрмерен тухнӑ хыҫҫӑн пынӑ. Арҫыннӑн ниҫта кайма вырӑн пулман. Ҫемйи пулман, ашшӗ-амӑшӗ тахҫанах вилнӗ, хурӑнташӗсене кирлӗ пулман.
Валерий иртнӗ кунӗсене аса илме юратмасть. Унта ырри нимех те пулман тесен те йӑнӑш мар.
Социаллӑ адаптаци центрне пырса лекнӗ чухне арҫын кӑмӑлӗ пусӑрӑнчӑк пулнӑ, тӑванӗсем ҫукки те унӑн кӑмӑлне хуҫнӑ. Ӗҫ стажӗ ҫителӗксӗртен пенси илме балл ҫитмен.
Центрта арҫынна ӗҫе вырнаҫма пулӑшнӑ. Халӗ вӑл пӗр организацире урам шӑлаканта тӑрӑшать.
Йӗпреҫ тӑрӑхӗнче почта уйрӑмне ертсе пынӑ ҫын тӗлӗшпе пуҫиле ӗҫ пуҫарнӑ.
Канашри почтамта пӑхӑнса тӑракан почта ҫыхӑнӑвӗн уйрӑмӗсенчен пӗрин пуҫлӑхӗнче тӑрӑшнӑ хӗрарӑм сутма панӑ таварпа тата ӑна сутса тунӑ укҫапа хӑй пӗлнӗ пек хуҫаланнӑ. Вӑл 200 пине яхӑн тенке хӑйӗн кӗсйине пӗтӗрсе чикнӗ.
Пуҫиле ӗҫе тӗпченӗ май хӗрарӑмӑн килӗнчен полицейскисем 150 пин тенкӗ укҫа илсе тухса кайнӑ, ӑна шар курнӑ ене тӑкака саплаштарма панӑ.
Пуҫиле ӗҫе Йӗпреҫ районӗнчи суда ярса панӑ.
Чӑваш Енӗн вице-премьерӗ Павел Данилов республикӑпа сывпуллашнӑ. Регион правительствинче виҫӗ ҫул ытларах ӗҫленӗ ҫав ҫын ӗҫрен каяссине халӑх тетелӗнчи хӑйӗн страницинче шӑматкун пӗлтернӗ.
Хальлӗхе республика Элтеперӗ ун пек хушӑва алӑ пусман. Данилов ҫак кунсенче отпускра пулнӑ-мӗн. Кун пирки forum.na-svyazi.ru портал хыпарланӑ.
Павел Данилов Шупашкарта 1974 ҫулта ҫуралнӑ. 1995 ҫулта Плеханов ячӗллӗ Раҫҫейри экономика университетӗнчен вӗренсе тухнӑ. 2000 ҫулта ӑна Шупашкар хула мэрӗн ҫумӗ пулма шаннӑ. Каярах вӑл Ял хуҫалӑх министерствипе РФ Стройминне пӑхӑнакан учрежденисене ертсе пынӑ.
2021 ҫулхи кӑрлач уйӑхӗнче Павел Данилова Чӑваш Енӗн вице-премьерӗ пулма шаннӑ, тепӗр икӗ уйӑхран строительство тата транспорт министрӗн тилхепине тыттарнӑ.
Чӑваш Енӗн транспрт тата ҫул-йӗр хуҫалӑхӗн министрӗн ҫумӗ пулма Роман Краснова шаннӑ. Ун пек хушӑва республика ертӳҫи Олег Николаев иртнӗ эрнере алӑ пуснӑ.
Унччен Краснов асӑннӑ ведомствӑра автоҫулсене аталантарассипе ӗҫлекен пай пуҫлӑхӗнче тӑрӑшнӑ.
Транспорт министрӗн Максим Петровӑн паян икӗ заместитель: Роман Краснов тата Юрий Арлашкин.
Паян — социаллӑ ӗҫӗн пӗтӗм тӗнчери кунӗ. Соцаллӑ ӗҫчен пулса пур ҫын та ӗҫлеймест. Хӑшӗсем яваплӑх пирки тӗплӗнрех ыйтса пӗлсенех хӑраса ӳкеҫҫӗ, теприсен чӑтӑмлӑхӗ темиҫе уйӑхран пӗтет. Анчах Шупашкарта пурӑнакан 49 ҫулти Галина Кузьмина пеккисем те пур.
И.Н. Ульянов ячӗллӗ Чӑваш патшалӑх университетӗнче вӗреннӗскер чылай ҫул ача пахчинче тӑрӑшнӑ. «Ӗҫӗм питӗ килӗшетчӗ. Анчах атте чирлесе ӳкнӗ хыҫҫӑн ватӑсене пулӑшмаллине ӑнланса илтӗм», — аса илет Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрта тӑрӑшакан Галина Владимировна.
Ҫак ҫула суйласа илнӗшӗн Галина Кузьмина пӗртте ӳкӗнмен. «Ӑна ватӑсем питӗ юратаҫҫӗ. Кашни пымассерен ӑшшӑн кӗтсе илеҫҫӗ. Тем туса та пулӑшать вӑл», — каласа кӑтартаҫҫӗ маларах асӑннӑ социаллӑ центрта.
Этем ӗҫпе кӑна пурӑнаймасть. Галина Владимировнӑн чун киленӗҫӗ — пулла ҫӳресси. Унта вӑл упӑшкипе Борис Валерьевичпа ҫул тытать. Каҫ выртамалла та каяҫҫӗ.
Ҫӗрпӳри Станислав Богословский техникумра техник-строителе вӗренсе тухнӑ хыҫҫӑн специальноҫпа ӗҫ тупайман. Пулӑшу ыйтса вӑл «Работа России» (чӑв. Раҫҫейри ӗҫ) Ҫӗрпӳри кадр центрне ҫул тытнӑ.
Надежда Алексеева карьера консультанчӗ Станиславӑн кӑмӑлне кура трактриста вӗренме сӗннӗ. Ку специальноҫа «Нива» вӗренӳ центрӗнче алла илме май килнӗ.
Иртнӗ ҫулхи раштав уйӑхӗнче Станислав ӑнӑҫлӑ вӗренсе пӗтерсе экзамен тытнӑ. «Тракторист таҫта та кирлӗ, вӑл ӗҫ йывӑр. Манӑн тантӑшсем вӑл спецаильноҫа алла илесшӗн мар. Эпӗ вара ку спецальноҫпа нихӑҫан та ӗҫсӗр юлмӑп. Ӗҫ укҫи те мана тивӗҫтерет», — тенӗ ҫамрӑк арҫын.
Чӑваш патшалӑх гуманитари ӑслӑлӑхӗсен институчӗн директорӗнче ӗҫленӗ Пётр Краснова ӗҫрен кӑларнӑ. 175-мӗш номерлӗ йышӑнӑва республика ертӳҫи паян, нарӑс уйӑхӗн 27-мӗшӗнче, алӑ пуснӑ.
Комсомольски тӑрӑхӗнче ҫуралнӑ Пётр Краснов — философи наукисен кандидачӗ. Тӗрлӗ ҫулта Чӑваш Енӗн Президент Администрацине ертсе пынӑ; пичет, социаллӑ политика, культура министрӗ пулнӑ; Чӑвашстат ертӳҫин ҫумӗнче ӗҫленӗ.
«Правда ПФО» тӗнче тетелӗнчи хаҫат шухӑшланӑ тӑрӑх, Краснова контракт вӗҫленнипе ӗҫрен кӑларма, 2022 ҫулти пек ӑна каллех ҫав вырӑна шанса пама пултараҫҫӗ.
Чӑваш Енӗн Шалти ӗҫсен министерстви полицин участокри уполномоченнӑйӗсене ӗҫ илесси пирки пӗлтерет.
Участковӑй пулса тӑрӑшас текен ҫыннӑн 18-55 ҫулсенче пулмалла. Уйӑхри вӑтам ӗҫ укҫи 50 пине яхӑн ларать-мӗн. Ҫулталӑкра 40 кун кантарӗҫ, унсӑр пуҫне 24 кун таран хушма кану кунӗсем пулӗҫ. Ӗҫленӗ вырӑнта пурӑнма кӗтес пулмасан ӑна тара илсе тӑкакланнӑшӑн пӗр пайне саплаштарӗҫ.
Тӗплӗнрех ыйтса пӗлес тесен 24-11-24 е 89997560998 телефон номерӗсемпе шӑнкӑравламалла.
+21.3 °C